Wednesday, April 17, 2013

ಬಾರೋ ನಲ್ಲ !

ಸಂಪದ ಸಾಲಿನಲ್ಲಿ  ಪ್ರಕಟವಾದ ನನ್ನ  ಕವನ ...

ಅವಳಾಗಿ ಬರೆದಾಗ :):)
.
((ಚಿತ್ರಕೃಪೆ ಅಂತರ್ಜಾಲ !))





ಕನಸ ಕಣ್ಣುಗಳಿಗ ಬಣ್ಣ ತುಂಬಿ
ಬಾರೋ ನಲ್ಲ, ಮನಸ ಹೂವಿಗೆ  ನೀನೇ ದುಂಬಿ
ಮಧುವ ಹೀರು ಮಧುರವಾಗಿ
ನೀರಾಗುವೆ ನಿನಗಾಗುವೆ ನಾನು ಕರಗಿ!

ಒಲವ ಲತೆ ಒರಗೋಕೆ ಮರವಾಗು
ಚಿಗುರು ಬಲಿಯುವ ಮುನ್ನ ಬಳಿಸಾಗು
ಹದವಾದ ಹರವಾದ ಮೈಯ ತಬ್ಬಿ
ಆವರಿಸುವೆ ನಿನ್ನ ಪೂರ್ಣ ಹಬ್ಬಿ ಹಬ್ಬಿ !

ಉತ್ತಿ ಬಿತ್ತಿದ ಹೃದಯದಲ್ಲಿ
ಸುತ್ತ ಹರಡಿದೆ ಪ್ರೀತಿ ಕಂಪು
ಬತ್ತಿ ಹೋಗದು ಎದೆಯು ಕಾದು
ಎತ್ತ ನೋಡಿದರತ್ತ ಚಿಲುಮೆ-ತಂಪು !

ದೂರವಾಗಲಿ ಗೆಳೆಯ ದೂರವಾಗುವ ಮಾತು
ಸಹಸಲಾರೆ ಅರೆಕ್ಷಣವೂ ನೀನಿರದ ವಿರಹ
ಬೇಕು ಬಾಳಿಗೆ ಬಾರೋ ಇನಿಯ
ನಿತ್ಯ ನಿರಂತರ ನಿನ್ನ ಸನಿಹ !

.............................................ಪ್ರವೀ !

3 comments:

sunaath said...

ಹೆಣ್ಣಿನ ಅಂತರಂಗವನ್ನು ಹೊಕ್ಕು ಬರೆದ ಮಧುರ ಕವನ!

Unknown said...

ಚೆನ್ನಾಗಿದೆ ..ಹೆಣ್ಣಾಗಿ ಅವಳ ಭಾವಗಳ ತಿಳಿಸಿದ ಪರಿ ಇಷ್ಟವಾಯ್ತು :)

akshaya kanthabailu said...

ಚಂದ ಇದೆ ಬರೀತಿರಿ