ಮಳೆಯ ನಾ ತಡೆಯಲಾರೆಕೊಡೆಯಾಗಿ ನಾನಿರುವೆ
ಬಿಸಿಲ ನಾ ಬೆದರಿಸಲಾರೆ
ನೆರಳಾಗಿ ಜೊತೆಯಿರುವೆ
ದುಃಖದ ಭಾರದಿ ಬಳಲುತಿರೆ
ಹೆಗಲಿಗೆ ನಾ ಹೆಗಲ್ಕೊಡುವೆ
ಆದರೂ ನಿನ್ನಲಿ ಆಗದಿರೆ
ನಿನ್ನಯ ಭಾರವ ನಾ ಹೊರುವೆ
ಕತ್ತಲೆಯ ನಾ ಕಳುಹಿಸಲಾರೆ
ದೀಪದಿ ಹಾದಿಯ ಬೆಳಗಿಸುವೆ
ದಾರಿಯು ಕಾಣದೆ ತೊಡರುತಿರೆ
ಕೈ ಹಿಡಿದು ಮುನ್ನೆಡೆವೆ
ಕಷ್ಟವೇ ಆದರೂ ಕದಲಲಾರೆ
ಇಷ್ಟದೀ ನಿನ್ನ ರಕ್ಷಿಸುವೆ
ಏನನೂ ಮಾಡದೇ ನಾನಿರಲಾರೆ
ಕಾರಣ ನಿನ್ನನು ಪ್ರೀತಿಸುವೆ
--------------------- ಪ್ರೀತಿಯ ಪ್ರವಿ ...
