ಸುತ್ತಲೂ ಕತ್ತಲು
ಕತ್ತಲ ಮರೆಸಲು ಚಾದರ
ಹೊದ್ದು ಮಲಗಿದ್ದೇ,
ಆವರಿಸಿ ಬರುತಿದೆ ನಿದ್ದೆ
ಎಚ್ಚರ ನಿದ್ರೆಯ ನಡುವೆ
ತೂರಿ ಬರುತಿದೆ ಬೆಳಕು
ಕತ್ತಲೆಯೇ ಕುಗ್ಗಿದೆ
ಚಾದರದಿ ನುಗ್ಗಿದೆ
ಕಣ್ಣ ತುಂಬಾ ಹೊಳಪು
ಚೆಲುವು ಚಿತ್ತಾರ
ಒನಪು ವಯ್ಯಾರ
ಮನಸು ಮನೋಹರ
ಕನಸುಗಳ ಸಾಗರ
ಮುಚ್ಚಿದ ರೆಪ್ಪೆಯೊಳಗೆ
ಮೆಚ್ಚಿದ ಚಿತ್ರ
ತೋಳ ತೆಕ್ಕೆಯಲಿ
ಮೆಲ್ಲ ತೆವಳುವ ಪಾತ್ರ
ಹಾಗೆ ಹೊರಳಾಡುತಿರಲು
ಸ್ವರ್ಗ ಹತ್ತಿರತ್ತಿರ
ಮೆಲ್ಲಗೆ ಗಲ್ಲ ಕಚ್ಚಲು
ಛೇ!! ಆಗಿಬಿಟ್ಟಿದೆ ಎಚ್ಚರ !!
ಕಣ್ಣ ತೆರೆದರೆ ಕಡುಗಪ್ಪು
ತೆಕ್ಕೆಯಲಿ ದಿಂಬು ಭದ್ರ!!
ಹೊರಳಾಡಿದ ಕುರುಹು
ಹಾಸಿಗೆಯ ಹೊರಗೆ !!!
ಚಾದರ ನಾಚಿ ನೀರಾಗಿ,
ಕಾಲಡಿಯಲ್ಲಡಗಿದೆ!!!!
---------------------ಪ್ರೀತಿಯ ಪ್ರವಿ
