ಅತ್ತುಬಿಡು ಮನಸೇ!!!

ಒಂದು ಭಾವಗೀತೆ ಬರೆಯುವ ಚಿಕ್ಕ ಪ್ರಯತ್ನ







ಅತ್ತುಬಿಡು ಮನಸೇ...
ದುಃಖ ಅಳಿಸಿಬಿಡು ಮನಸೇ |ಪ|

ಮರುಭೂಮಿಯ ಮರಳಲ್ಲಿ ಹುಡುಕುವಿಯೇಕೆ ನೀರು?
ಇರಬಹುದು ಅಲ್ಲೆಲ್ಲೋ, ಸಿಗದೆ ಚೂರುಪಾರು
ಬಯಲುಸೀಮೆಯ ಬಯಲಲ್ಲಿ ಹುಡುಕುವೇಕೆ ನೆರಳು?
ಇರಬಹುದು ಅಲ್ಲೆಲ್ಲೋ,ಸಿಗದೆ ಜಾಲಿ ಮರದ ಸಾಲು|1|

ಅತ್ತುಬಿಡು ಮನಸೇ
ಸಿಗದ ದುಃಖವನು ಅಳಿಸೇ. .

ನೀ ಕಂಡ ಆ ಪ್ರೀತಿ ನಿದ್ದೆಯಿರದ ಕನಸು
ಬಿದ್ದೆಯಲ್ಲೋ ಬಾವಿಯಲ್ಲಿ,ನೀ ಬುದ್ದಿಯಿರದ ಮನಸು
ಮರೆಯದ ನೆನಪಲ್ಲೇ ದಿನಾ ಕೊರಗುವೆಯೇಕೆ?
ಮರೆತುಬಿಡು ಮನಸೇ,ಅವಳು ಕೈಗೆ ಸಿಗದ ಮರೀಚಿಕೆ |2|

ಅತ್ತುಬಿಡು ಮನಸೇ,
ತೊರೆದ ಪ್ರೀತಿಯನು ಮರೆಸೇ

ಅತ್ತುಬಿಡು ಮನಸೇ...
ದುಃಖ ಅಳಿಸಿಬಿಡು ಮನಸೇ