ಬಾರದಿರಿ ಕಣ್ಣ ಹನಿಗಳೇ
ಅವಳ ಬಿಂಬ ಮಂಜಾದೀತು
ಜಾರದಿರಿ ಕಣ್ಣ ಬಿಂದುಗಳೇ
ಅವಳಿತ್ತ ಮುತ್ತು ಅಳಿಸೀತು
ಮರುಗದಿರು ಮನಸೇ
ಅವಳ ಚಿತ್ರ ಮಸುಕಾದೀತು
ಹೃದಯ,ನೀನೀಗ ರೋಧಿಸೆ
ನೆನಪುಗಳು ಮರೆಯಾದೀತು
ನೀನೀಗ ಜೊತೆಯಿಲ್ಲ
ಸರಿದಿರುವೆ ಬಹುದೂರ
ಜೊತೆಯಿದ್ದ ನೆನಪುಗಳಿವೆಯಲ್ಲ
ನೀ ಸರಿದಸ್ಟೂ, ಅವು ಹತ್ತಿರ
ಕಣ್ಣ ತುಂಬಾ ನಿನ್ನ ಬಿಂಬ
ಕೆನ್ನೆ ತುಂಬಾ ಸಿಹಿ ಮುತ್ತು
ಒಯ್ಯಲಾರೆ ಇದ ನೀ ಜೊತೆ ಹೊತ್ತು
ಮನದ ಮೇಲೆ ಮಾಸದ ಚಿತ್ರ
ಹೃದಯ ತುಂಬಾ ನೆನಪ ಗಾಯ
ಇವೀಗ ನನ್ನದೇ ಸ್ವತ್ತು !!!
ಕಾಯ್ದುಕೊಳ್ಳುವುದು ನನಗೆ ಗೊತ್ತು !!
-------------------------ಪ್ರೀತಿಯಿಂದ ಪ್ರವಿ