ಮರೆಯಲಾಗುವುದೇ ಉಸಿರು !!

ಮನದ ಹಾಳೆಯ ತುಂಬಾ ನೀನಿಟ್ಟ ಹೆಜ್ಜೆಯ ಗುರುತು
ತೊರೆದು ಹೋಗದಿರು ನನ್ನ ನೀ ಮರೆತು
ನಾನೇನನೂ ಅರಿಯೆ ನಿನ್ನ ಪ್ರೀತಿಯ ಹೊರೆತು
ಬಾಳು ನನ್ನೊಂದಿಗೆ ನನ್ನ ಪ್ರೀತಿಯ ಅರಿತು

ಜೊತೆಯಲಿ ನೀನಿರೆ , ಎಂಥ ಹಿತ ಈ ಇರುಳು
ಮನದ ಮೇಲೆಲ್ಲಾ ಚುಕ್ಕೆಯ ಸಾಲು
ಎದೆಯ ಬಾಂದಳದ ತುಂಬಾ ಪ್ರೀತಿಯ ಬೆಳದಿಂಗಳು
ಸುತ್ತಲು ಬೆಳಕು , ಚೆಲ್ಲಿದಂತೆ ಹಾಲು

ಪುಟದ ತುಂಬೆಲ್ಲ ಕೇವಲ ನಿನ್ನದೇ ಹೆಸರು
ಈ ನಿನ್ನ ನೆನಪುಗಳು ಸದಾ ಹಚ್ಚ ಹಸಿರು
ಯಾವುದ ಮರೆತರೂ ಮರೆಯಲಾಗುವುದೇ ಉಸಿರು
ಹಸಿರು ಉಸಿರಾಗಿ ನೀ ಎಂದೂ ನನ್ನ ಜೊತೆಯಿರು

... ಪ್ರವಿ